Эл аралык изилдөөчүлөр 100 миңге жакын адамдын маалыматтарын изилдеп, күн сайын жасалган кадамдардын саны психикалык ден соолукка кандай таасир этерин аныкташты. 33 изилдөөнүн анализи көрсөткөндөй, үзгүлтүксүз басуу депрессиянын тобокелдигин бир топ азайтат. Бул өзгөчө күнүнө 5000ден 10 000ге чейин кадам жасаган адамдарга тиешелүү.
Бул тууралуу «InoZpress» шилтеме берүү менен билдирди JAMA Network Open
Маалыматтарды чогултуу үчүн кадам эсептегичтер жана акселерометрлер колдонулган. Жыйынтыгында, күнүнө 5000ден аз кадам жасаган адамдарда депрессия тобокелдиги жогору экени аныкталды. Ал эми кадамдардын көбөйүшү жалпы ден соолуктун жакшырышына жана депрессиялык симптомдордун азайышына алып келет.
Изилдөөдө ар бир кошумча 1000 кадам депрессиянын тобокелдигин төмөндөтөрү белгиленген. Айрыкча, күнүнө 5000ден 7000 жана андан көп кадамга өтүүдө байкалган өзгөрүүлөр олуттуу болуп саналат. Изилдөөчүлөр фитнес-браслеттер жана кадам эсептегичтер депрессиянын алдын алуу үчүн жеткиликтүү жана натыйжалуу курал болоруна ишенишет.
Адистер үзгүлтүксүз басуу ден соолукту гана эмес, психикалык абалды да чыңдай турганын баса белгилешет. Мындай адат өзгөчө аз кыймылдуу жашоо образы менен жашаган адамдар үчүн депрессиянын алдын алуунун маанилүү бөлүгү болушу мүмкүн.
Биз буга чейин жазганыбызды эскертебиз, ультрафиолет көздүн ден соолугуна кандай таасир этет.
