Бул тууралуу «InoZpress» шилтеме берүү менен билдирди Heart Research Institute
Көпчүлүк ден соолукту сактоо үчүн күн сайын 10 миң кадам басуу зарыл деп эсептешет. Бул түшүнүк 1960-жылдары Японияда пайда болгон. Ал убакта Yamasa Clock компаниясы «Манпо-кей» аттуу кадам эсептегичти чыгарган, анын аты «10 миң кадам» деп которулат. Бул маркетингдик ыкма ушунчалык ийгиликтүү болгондуктан, бул сан элдин аң-сезиминде ден соолук үчүн идеалдуу норма болуп калды. Бирок акыркы изилдөөлөр муну төгүндөп жатат.
Гарвард медициналык мектебинин адистери анализ жүргүзүп, ден соолукту чыңдоо үчүн улуу курактагы аялдарга күнүнө болгону 4,4 миң кадам жетиштүү экенин аныкташкан. Ошондой эле 7,5 миң кадам баскан адамдардын ден соолугу эң жакшы абалда экени байкалган.
Массачусетс университетинин окумуштууларынын дагы бир изилдөөсү бул жыйынтыктарды тастыктады. Изилдөөчүлөр курагы 38ден 50гө чейинки эки миңден ашуун адамдын маалыматтарын изилдеп, күнүнө 7 миң кадам басуу өлүм коркунучун 50-70%га төмөндөтөрүн аныкташты. Мында басуунун ылдамдыгы мааниге ээ болгон жок — жай баскан адамдардын ден соолугу да энергичтүү баскандардыкы менен бирдей чыкты.
Биз буга чейин жазганыбызды эскертебиз, окумуштуулар чылым чегүүдөн баш тартууга эң ылайыктуу куракты аныкташты.
Күн сайын 10 миң кадам басуу керек деген түшүнүк ашыкча экени белгилүү болду. Жөнөкөй сейилдөө сыяктуу жөнөкөй физикалык аракеттер да ден соолукка олуттуу оң таасир тийгизет.
