Канадалык окумуштуулар бир туугандардын саны мүнөзгө тийгизген таасирин изилдеп чыгышты. Натыйжада көп балалуу үй-бүлөлөрдө өскөн балдар боорукерлик жана адилеттүүлүк сапаттарын көбүрөөк көрсөтөрү аныкталды. Айрыкча, ортоңку балдар, улуулары жана кичүүлөрү барлар, бул сапаттарга көбүрөөк ээ болуп чыккан.
Бул тууралуу «InoZpress» шилтеме берүү менен билдирди The Guardian
Изилдөөдө 700 миңден ашуун адамдын маалыматтары талданган. Аларды баалоодо HEXACO методикасы колдонулуп, боорукерлик, жөнөкөйлүк, эмоционалдуулук жана жаңылыкка ачыктуулук сыяктуу сапаттар каралды. Натыйжада көп балалуу үй-бүлөлөрдүн балдары чынчылдык жана кызматташтыкка көбүрөөк жөндөмдүү экени аныкталды.
Бир туугандардын саны да маанилүү фактор экендиги белгилүү болду. Үй-бүлөдө канчалык көп бала болсо, мүнөзгө тиешелүү сапаттар ошончолук күчтүү болот. Мисалы, алты бир туугандын бирөөнөн турган үй-бүлөнүн мүчөсү, жалгыз баладан 60 пайызга боорукер жана ак ниет болуп чыгышы мүмкүн.
Изилдөөнүн жыйынтыгы көрсөткөндөй, үй-бүлөдөгү чөйрө инсанды калыптандырууда негизги ролду ойнойт. Көп балалуу үй-бүлөлөрдө өскөн балдар өз ара тил табышууну, бөлүшүүнү жана башка менен иш алып барууну үйрөнүшөт, бул алардын социалдык жөндөмдөрүн өркүндөтөт.
Биз буга чейин жазганыбызды эскертебиз, фруктоза рак шишиктерин өстүрө алат.
