Эбола вирусу көп жылдар бою айыккыс деп эсептелген, бирок окумуштуулар таң калыштуу ачылыш жасашты. Жаңы изилдөөлөрдө маймылдар вирус жуктуруп алган соң, эксперименталдык дарылоо ыкмасы менен толук айыгышкан. Эгер бул ыкма адамдарга дагы далилденсе, дүйнө жүзү жаңы жана жеткиликтүү дарылоого ээ болуп, миңдеген адамдардын өмүрүн сактап калууга мүмкүнчүлүк түзүлөт.
Бул тууралуу «InoZpress» шилтеме берүү менен билдирди Science Alert
Изилдөөчүлөр Обелдесивир аттуу дарыны сынап көрүштү, ал мурда белгилүү болгон Ремдесивирдин таблетка түрү. Аталган препарат вирустун көбөйүүсүнө жооп берген ферментти бөгөттөйт. Маймылдарга жасалган сыноолор көрсөткөндөй, дары ичкендердин басымдуу бөлүгү айыгып кетип, организм өз алдынча коргонуу механизмдерин ишке киргизип, антителолорду иштеп чыккан.
Бул дарылоонун артыкчылыгы – анын көп түрдүү вирустарга каршы натыйжалуулугунда. Бүгүнкү күндө бар болгон дарылар Эболанын бир гана түрүнө каршы иштесе, жаңы таблетка бир нече штаммдар менен күрөшүүгө жөндөмдүү. Бул эпидемиянын жайылышын көзөмөлдөөдө жана алдын алуу иш-чараларын күчөтүүдө чоң мүмкүнчүлүк ачат.
Мындай изилдөөлөрдү каржылоо өтө маанилүү. Сейрек кездешүүчү, бирок өлүмгө алып келүүчү вирустарга каршы жаңы дарыларды иштеп чыгуу мамлекеттик колдоосуз мүмкүн эмес. Окумуштуулар Обелдесивир акыркы клиникалык сыноолордон ийгиликтүү өтөт жана муктаж болгон өлкөлөргө жеткиликтүү болот деп үмүттөнүшөт.
Биз буга чейин жазганыбызды эскертебиз, эненин кош бойлуудагы тамактануусу баланын ден соолугуна таасир этет.
