Бул тууралуу «InoZpress» шилтеме берүү менен билдирди 24.kg
Ал Instagram баракчасында видео жарыялап, өзүнө каршы козголгон кылмыш ишинин себептерин түшүндүрдү. Башкы прокуратура муниципалдык «Тазалык» ишканасынын айрым кызматкерлерине бюджеттик 7,1 миллион сомду жеп койгон деп айып коюп, кылмыш ишин козгогон.
Алиевдин айтымында, прокуратура «Тазалыкта» 2-сентябрда текшерүүлөрдү баштаган. Бул жылы прокуратура аталган ишкананын үстүнөн жети жолу текшерүү жүргүзгөн. Соңку текшерүү бир айга созулган. Натыйжада, кылмыш иши козголгон.
Вице-мэрдин айтымында, анын айыптоолорунун себеби, 2006-жылдагы өкмөттүн ГСМды пайдаланууга компенсация берүү нормалары боюнча токтомун аткарбагандыгында. Алиев, экинчи тараптын 2009-жылдагы мэриянын токтомуна ылайык иштегенин белгилеп, эски токтомдун азыркы замандын талаптарына жооп бербегенин айтады.
Алиев мындан тышкары, эски токтомдо айтылган унаалардын көбү азыр ишканадан алынып салынганын белгилейт. Ал, ошондой эле, «Тазалыктын» жетекчиси катары келгенден кийин отун пайдаланууну төмөндөтүү жана автопарктын ишин жакшыртуу үчүн жаңы нормаларды киргизген графиктерди көрсөттү.
Алиев өзү экономияны камсыз кылганына карабастан, прокурорлор териштирүүнү улантууга чечим кабыл алышкан. Вице-мэр кийинки видео аркылуу акча талап кылуу жана прокуратура менен сүйлөшүүлөрү жөнүндө айтып берээрин убада кылды.
Биз буга чейин жазганыбызды эскертебиз, келчү жумада Беларусста Кыргызстандын маданий күндөрү башталат.