Англия Премьер-лигасынын 23-турындагы башкы оюн Лондондогу «Эмирейтс» стадионунда өтөт, анда «Арсенал» «Манчестер Юнайтедди» кабыл алат. Оюн Бишкек убактысы боюнча 18:30да башталат. Түз эфирди Setanta Sports Kyrgyzstan жана KTRK Sport телеканалдары көрсөтөт, ошондой эле оюнду онлайн түрүндө Setanta Sports Online платформасынан көрүүгө болот, жазат InoZpress.
«Арсенал» чемпионатта алдыңкы орунда турат жана жыйырма жылдан кийин чемпиондук наамды кайтарып алууну көздөөдө. Ал эми Майкл Каррик жетектеген «Манчестер Юнайтед» төрттүккө кайтып келүүнү максат кылууда.
Арсенал чемпиондук үчүн күрөштө
Микел Артета жетектеген команда туруктуу оюн көрсөтүүдө жана жакын атаандаштарынан алдыда келе жатат. 22-турдан кийин лондондор «Манчестер Сити» жана «Астон Вилладан» алты упайга алдыда.
Букмекерлер «Арсеналды» фаворит деп эсептешет. Алардын жеңишине 1,61 коэффициент коюлган, ал эми «Юнайтедге» — 6,50. Ничья мүмкүнчүлүгү 4,33. Адистер жогорку натыйжалуулуктагы оюнду күтүшүүдө: «жалпы 2,5 голдон көп» жыйынтыгына 1,68 коэффициент берилген.
Манчестер Юнайтед туруктуулукту издеп жатат
Рубен Аморим кызматтан кеткенден кийин команда жаңы дем алды. Жаңы машыктыруучу Майкл Каррик менен бирге «Юнайтед» дебюттук оюнунда «Манчестер Ситини» 2:0 эсебинде утуп, күйөрмандарды таң калтырды.
Лондондогу тең чыгыш да команданы Лига чемпиондорунун зонасына кайтара алат. Күйөрмандар жаңыланган курам лидерге татыктуу каршылык көрсөтөрүн күтүшүүдө.
Командалардын тарыхый беттештери
Тарыхый маалыматтар боюнча «Манчестер Юнайтед» 100 жолу жеңишке жетишкен, ал эми «Арсенал» 92 жолу уткан. Бирок акыркы мезгилдерде артыкчылык лондондорго өттү — алар акыркы жети беттеште жеңилип көрүшкөн эмес жана быйыл да биринчи айлампада утушка жетишкен.
Күйөрмандар бул беттешти турдагы эң кызыктуу оюндардын бири деп эсептешүүдө. Жеңүүчү чемпиондук үчүн күрөштүн жүрүшүн олуттуу өзгөртүшү мүмкүн.
Биз буга чейин жазганыбызды эскертебиз, Тайсон Фьюри кайтып келүү планын жарыялап, кийинки каршылашын тандаган.
