25-май күнү эртең мененкисин астрономдор Күндүн бетинде күчтүү жаркылдоону катташты. Бул кубулуш X1.1 класстагы эң күчтүү нурлануулардан болуп саналат жана Жер планетасына бир топ таасир тийгизе алат. Жаркылдоо Күндүн бетиндеги AR4098 аталышындагы такта болгон. Мурда ал дээрлик байкалбай келген, бирок күтүүсүздөн активдешип, күчтүү энергия бөлүп чыгарган. Жаркыроонун кесепетинен Тынч океандын үстүндө радиобайланыш убактылуу үзүлгөнү кабарланды.
Бул тууралуу «InoZpress» шилтеме берүү менен билдирди Spaceweather
Кыргыстандын аймагында азырынча эч кандай түздөн-түз кесепеттер байкала элек. Бирок географиялык жактан бул регион да күндүн нурлануу активдүүлүгүнө кабылат. Айрыкча, метеочувстволуу адамдар, жүрөк-кан тамыр оорулары барлар жана спутниктүү байланыш менен иштеген кызматтар бул күндөрү көңүл бурушу керек. Азырынча бул жаркылдоо менен кошо короналдык масса чыгарылганы байкалган жок. Бирок окумуштуулар кырдаалга тыкыр көз салып жатышат.
26-27-майга карата алдын ала маалыматтар боюнча, геомагниттик бороон күтүлбөйт. Эл аралык спутниктүү системалар күн активдүүлүгү төмөн бойдон сакталып жатканын көрсөтүүдө. Метеосферанын графиктери да туруктуу абалды тастыктап турат. Бирок бул тынчтык убактылуу болушу мүмкүн. Себеби жаркылдоону жараткан AR4098 такы дагы эле активдүү бойдон калууда. Жаңы нурлануу болуусу мүмкүн жана ал Жерге багытталышы мүмкүн.
Технологиялар үчүн мындай күн нурлануулары бир топ көйгөй жаратышы мүмкүн. Байланыш системалары, спутниктер, авиабайланыш жана энергия тармактары алгачкы болуп таасирленет. Кыргызстанда өзгөчө тоолуу райондордо туруктуу байланыш жашоо үчүн маанилүү болгондуктан, мындай өзгөрүүлөргө өз маалында даяр болуу керек. Андан тышкары, магниттик бороон учурунда кээ бир аймактарда GPS жана мобилдик байланыш системаларында убактылуу үзгүлтүк болушу ыктымал.
Мындай кубулуштар адамдын ден соолугуна да таасир этет. Магниттик активдүүлүккө сезгич адамдар баш оору, уйкусуздук, көңүл чөгүү же жүрөк кагуусу сыяктуу белгилерди байкашат. Мындай учурларда оорулары бар жарандар дарыгерлердин кеңешин угуп, ашыкча физикалык күч жумшоодон жана стресс учурларынан алыс болуусу зарыл. Бул күндөрү сергек жашоо образын кармануу, туура тамактануу жана толук эс алуу сунушталат.
Биз буга чейин жазганыбызды эскертебиз, кыргызстандыктар эмне күтүшү керек жана кантип даярдануу керек.