Reuters билдиргендей, Starbucks кофеканалар тармагы Түндүк Америкадагы сыноолор учурунда кетирилген бир катар каталардан кийин ингредиенттерди автоматтык эсептөө үчүн колдонулган жасалма интеллект системасынан баш тартты.
Технология сироп, сүт жана суусундуктар үчүн башка компоненттердин калдыктарын көзөмөлдөшү керек болчу, бирок программа эсептөөлөрдө дайыма жаңылыштык кетирип турган. Натыйжада компания запастарды кол менен көзөмөлдөөгө кайтып, ички логистиканы кайра карап чыгууну чечти, жазат InoZpress.
Система эмне үчүн тапшырманы аткара алган жок
Automated Counting аттуу инструментти Сиэтл шаарындагы NomadGo компаниясы иштеп чыккан. Иштөө үчүн камералары жана LiDAR-датчиктери бар планшеттер колдонулган, алар продукциянын калдыктарын автоматтык түрдө аныктоого тийиш болчу.
Долбоор бир нече жыл бою сыноодон өткөрүлгөн, ал эми 2025-жылдын күзүндө Starbucks жетекчилиги системаны Түндүк Америкадагы бардык кофеканаларга киргизүүнү чечкен.
Reuters маалыматына ылайык, тиркеме товарларды эсептөөдө жаңылып, текчелерде турган айрым ингредиенттерди байкабай калган.
Кызматкерлер кайрадан кол менен эсептөөгө кайтышты
ЖИден баш тарткандан кийин Starbucks кызматкерлери ингредиенттердин калдыктарын кайрадан өздөрү текшерип, продукцияны кол менен эсептей башташат.
Компания ошондой эле төмөнкү кадамдарды жасоону пландап жатат:
- товарларды жеткирүү жыштыгын көбөйтүү;
- ички логистика системасын жакшыртуу;
- бардык кофеканаларда запастарды көзөмөлдөөнү бирдей стандартка өткөрүү.
Reuters маалыматына караганда, Starbucks кызматкерлери автоматташтырылган системадан баш тартуу чечимин оң кабыл алышкан.
Компания кофеканалардын ишин ылдамдатууну көздөгөн
Starbucks жетекчилиги жаңы технология продукцияны эсептөө убактысын кыскартып, кызматкерлердин жүгүн азайтат деп күткөн.
Бирок бир нече айлык эксплуатациядан кийин компания система азырынча так эсеп жүргүзүүдө кызматкерлерди алмаштыра албасын моюнга алды.
Эске салсак, буга чейин Siri жана AirPods үчүн iOS 27деги жаңы функциялар тууралуу жазганбыз.
