2024-жылдын алгачкы тогуз айында Орусияга 83,5 миң мигрант келген, бул былтыркы 88,7 миң адамдан аз. Жалпы миграциянын 97 пайызын Борбордук Азия мамлекеттери камсыздаган. Бирок, бул көрсөткүчтөр калктын табигый азайуусун толук жаба алган жок. Быйыл бул көрсөткүч 600 миң адамдан ашат деп күтүлүүдө.
Бул тууралуу «InoZpress» шилтеме берүү менен билдирди 24.kg
Миграциянын негизги агымы Борбордук Азиянын беш өлкөсүнө тиешелүү, алардан 81 миң адам Орусияга көчүп келген. Анын жарымынан көбү Тажикстан жарандары. Ал эми КМШ өлкөлөрү жана Украинанын миграциялык агымы болгону 2,5 миң адамды түзгөн. Алыс чет өлкөлөрдөн, айрыкча Балтика мамлекеттеринен, болгону 602 адам келген.
Мигранттарды социалдык жана маданий жактан интеграциялоо маселеси өзгөчө кыйынчылыктарды жаратууда. Бул үчүн мыйзамдарды жеңилдетүүдөн баштап, колдоо программаларын иштеп чыгууга чейин чоң аракеттер талап кылынат. Келгендердин саны көп болгонуна карабастан, алардын салымы демографиялык төмөндөөнү толук жабууга жетишсиз болуп жатат.
Адистер билим берүү программаларын өнүктүрүү жана социалдык жардамды күчөтүү аркылуу адаптация системасын өркүндөтүү зарылчылыгын баса белгилешет. Бул мигранттарды тартууга гана эмес, аларды коомго толук кандуу интеграциялоого шарт түзөт.
Биз буга чейин жазганыбызды эскертебиз, 2025-жылы Россияга визасыз келген чет өлкөлүктөрдүн өлкөдө болуу мөөнөтү кыскартылат.
