Бул тууралуу «InoZpress» шилтеме берүү менен билдирди TC
2024-жылдагы АКШ президенттик шайлоосунан кийин интернетте дезинформациянын тездик менен таралышы ачыкка чыкты. Норвегиялык Factiverse компаниясы текст, видео жана аудионун ишенимдүүлүгүн реалдуу убакыт режиминде текшерүүчү куралды сунуштады. Бул чечим бизнеске багытталган, компанияларга изилдөө убактысын үнөмдөөгө жана репутациялык же укуктук тобокелчиликтерди азайтууга жардам берет.
2020-жылы негизделген Factiverse дүйнө жүзү боюнча авторитеттүү булактар менен фактчекерлердин ишенимдүү маалыматтары менен иштейт. Разработчиктердин айтымында, алардын технологиясы маалыматтын ишенимдүүлүгүн аныктоодо GPT-4 сыяктуу ири тил моделдеринен жогору турат.
Модель текшерилген маалыматтарды издеп, анализдеп, эң ишенимдүү булактарды сунуштайт. Бул компанияларга жалган маалыматтын таасирин азайтууга шарт түзөт. Factiverse буга чейин алдыңкы медиа жана финансылык уюмдар менен кызматташууда.
Стартаптын пландарында — дүйнөлүк рынокко чыгуу жана кошумча инвестицияларды тартуу. Компаниянын жетекчилигинин айтымында, максат — жалган маалыматка каршы натыйжалуу күрөшүүчү жана санарип доорунда ачык-айкындуулукту камсыз кылуучу глобалдык платформаны түзүү.
Биз буга чейин жазганыбызды эскертебиз, Skydio компаниясы бизнесин кеңейтүү үчүн 170 миллион доллар алды.
