Франциялык биатлончу Жулья Симон мурда ага шарттуу түрдө чыгарылган түрмө өкүмүнө карабастан Олимпиада-2026 жыйынтыгы боюнча олуттуу акчалай сыйлык алат. Бул тууралуу Ski-nordique.net билдирет, жазат InoZpress.
Басылманын маалыматына ылайык, Франциянын Спорт министрлиги спортчуга кышкы Олимпиадада уткан медалдары үчүн 280 миң евро төлөп берет.
Симон эмне үчүн соттолгон
Буга чейин француз басылмасы L’Equipe Жулья Симон уурулук жана алдамчылык боюнча күнөөлүү деп табылганын жазган. Чечимди Альбервиль шаардык кылмыш соту чыгарган.
Биатлончуга үч айлык шарттуу түрмө жазасы жана 15 миң евро өлчөмүндө айып пул дайындалган, бул учурдагы курс боюнча болжол менен 1,3 млн сомго туура келет. Териштирүүгө Лу Жанмонно Бреза-Бушенин арызы негиз болгон, анда анын банк картасы бир нече миң еврого онлайн сатып алуулар үчүн колдонулган деп айтылган.
Француз спортчулары Олимпиада-2026да канча тапты
Белгиленген сыйлык системасына ылайык
- алтын медаль 80 миң евро алып келет
- күмүш медаль — 40 миң евро
- коло медаль — 20 миң евро
Жулья Симон жеке жарышта, аралаш жана аялдар эстафетасында үч алтын медаль утуп, масс-стартта күмүш медаль алган.
Эркектер арасында мыкты көрсөткүчтү Кантен Фийон Майе көрсөтүп, үч алтын жана бир коло медаль менен 260 миң евро тапкан. Лу Жанмонно эки алтын, жеке жарышта күмүш жана спринтте коло медаль үчүн 220 миң евро алат.
Биз буга чейин Усик жана Дюбуа реваншы тууралуу, бокстогу эң күтүлгөн беттештердин бири катары жазганбыз.
