FIFA маалымдагандай, 2026-жылдагы футбол боюнча дүйнө чемпионатынын тайпалык баскычы аяктагандан кийин 1/16 финалдын бардык катышуучулары аныкталды. Ошондой эле уюштуруучулар плей-оффтун биринчи айлампасынын толук оюн жадыбалын жарыялашты.
Дүйнө чемпионаттарынын тарыхында алгачкы жолу плей-офф баскычында дароо 32 курама ойнойт. Тайпалардын ар биринен алдыңкы эки команда, ошондой эле үчүнчү орунду ээлеген сегиз мыкты курама кийинки баскычка жолдомо алды. Плей-оффтун алгачкы беттеши 28-июнда өтөт, ал эми финал 19-июлда Ист-Ратерфорд шаарында болот, жазат InoZpress.
1/16 финалда кайсы беттештер өтөт
Плей-оффтун биринчи айлампасында төмөнкү беттештер болот:
- 28-июнь, 22:00 — Түштүк Африка Республикасы — Канада;
- 29-июнь, 20:00 — Бразилия — Япония;
- 29-июнь, 23:30 — Германия — Парагвай;
- 30-июнь, 04:00 — Нидерланддар — Марокко;
- 30-июнь, 20:00 — Кот-д’Ивуар — Норвегия;
- 1-июль, 00:00 — Франция — Швеция;
- 1-июль, 04:00 — Мексика — Эквадор;
- 1-июль, 19:00 — Англия — ДР Конго;
- 1-июль, 23:00 — Бельгия — Сенегал;
- 2-июль, 03:00 — АКШ — Босния жана Герцеговина;
- 2-июль, 22:00 — Испания — Австрия;
- 3-июль, 02:00 — Португалия — Хорватия;
- 3-июль, 06:00 — Швейцария — Алжир;
- 3-июль, 21:00 — Австралия — Египет;
- 4-июль, 01:00 — Аргентина — Кабо-Верде;
- 4-июль, 04:30 — Колумбия — Гана.
Дүйнө чемпионатынын кийинки баскычтары качан өтөт
1/8 финалдын беттештери 4-июлдан 7-июлга чейин өтөт. Чейрек финалдар 9–11-июлга белгиленген, жарым финалдар 14 жана 15-июлда болот, ал эми дүйнө чемпионатынын финалын 19-июлда «Мет-Лайф» стадиону кабыл алат.
Биринчи айлампанын эң кызыктуу беттештеринин катарында Аргентина менен дүйнө чемпионатынын плей-оффуна алгачкы жолу чыккан Кабо-Верденин беттеши, Англия менен ДР Конгонун оюну, ошондой эле Бразилия менен Япониянын кармашы бар. Бул оюндардын жеңүүчүлөрү чейрек финалга чыгуу үчүн күрөштү улантат.
Эске салсак, буга чейин Нидерланддардын ири жеңиши тууралуу жазганбыз.
