БУУнун Башкы Ассамблеясы Жамааттык Коопсуздук Келишими Уюму менен тыгыз кызматташууну белгилеген резолюцияны кабыл алды. Документте ОДКБнын коопсуздукту жана тынчтыкты камсыз кылуудагы маанилүү салымы баса көрсөтүлөт.
Бул тууралуу «InoZpress» шилтеме берүү менен билдирди 24.kg
Уюм терроризмге каршы күрөшүүдө, баңгизат жана курал-жарак менен мыйзамсыз соодага бөгөт коюуда жана кырсыктардын кесепеттерин жоюуда активдүү роль ойнойт. Бул аракеттер БУУнун глобалдык максаттарына жооп берет.
Документке ылайык, эки уюмдун башкы катчылары ортосунда үзгүлтүксүз консультациялар жүргүзүлмөкчү. БУУнун контртеррордук стратегиясын координациялоого жана тынчтыкты сактоо ишмердүүлүгүнө өзгөчө көңүл бурулат. Ошондой эле өнөктөштүктү өнүктүрүүнүн жаңы жолдорун издөө демилгеси колдоого алынган.
Резолюцияда эки тараптын өнөктөштүктү бекемдөөгө милдеттенмелери көрсөтүлгөн. Бул миграция маселелерин, адам сатууга каршы аракеттерди жана аймактык коопсуздукту чыңдоону камтыйт. Документ ОДКБнын БУУнун глобалдык демилгелерин ишке ашыруудагы негизги ролун тастыктап турат.
Биз буга чейин жазганыбызды эскертебиз, мектептерде мыйзамсыз акча чогултууга айып салуу мыйзам долбоору жактырылды.
