Хаккани түйүнүнүн кош стандарттары
четверг, 15 ноября 2012 г. 11:01:23
Хаккани түйүнү тынчтык сүйлөшүүлөрүнө макул болду, бирок Афганистанга каршы чабуулун улантууда

Афганистандагы коалициянын аскерлерин өлтүрүп жаткан Пакистандын Хаккани түйүнү аттуу террорчу топ Америка менен тынчтык сүйлөшүүлөрүнө катышууну каалай турганын билдиргенин топтун жогорку даражалуу командири кабарлады. Ал ошондой эле АКШ менен тынчтык сүйлөшүүлөргө катышуу ниетине террористтик топтун башчысынын макулдугу таасир тийгизгенин айтты.
Бирок командир «Хаккани түйүнү Афганистанда салгылашып жаткан коалициянын аскерлерине чабуул койгонду улантууда, анткени топ ислам мамлекетин түзүүгө белсенет», - деп билдирди.
Террористтик топ Афганистандагы АКШнын улуттук коопсуздугунун кызыкчылыктарына стратегиялык коркунуч келтирет, ал эми тынчтык келишими 2014-жылдын соңуна пландалган АКШ менен НАТОнун аскерлери кетерде аймактагы жагдайдын турукташуусуна мүмкүндүк бермекчи. Америка менен БУУнун бул топко карата көргөн чараларынан соң Хаккани түйүнү тынчтык сүйлөшүүлөрүнө макул болду.
Сентябрда Обаманын администрациясы Хаккани түйүнүн чет элдик террорчу уюмдардын тизмесине киргизген. Өткөн аптада АКШнын мамлекеттик катчысы Хиллари Клинтон жанкечтилерди даярдоо жана террор чабуулдарын уюштуруу боюнча шек кекабылган Кари Закираны террорчулардын тизмесине өзүнчө сап кылып киргизип радикалдуураак чараларды кабыл алган.
Мындан тышкары өткөн жумада БУУнун Коопсуздук Кеңеши да Хаккани түйүнүн өзүнүн «кара тизмесине» киргизген. Мындан ары БУУга мүчө болгон бардык мамлекеттер, анын ичинде Пакистан топтун активдерди тоңдуруп коюуга, иш сапарларына тыюу салууга жана Хаккани түйүнүнө курал жеткирүүгө эмбарго киргизүүгө тийиш.
Американын жана Батыштын аткаминерлери «Хаккани түйүнү Пакистандын армиясы менен Мекеме аралык чалгын башкармалыгынын колдоосунан пайдаланып жатат» деп айтып жатышат. «Пакистандын армиясы Хаккани түйүнүн колдогонун күчөттү. Армия террористтик топту башпаанек, стратегиялык жана ыкчам жетекчилик менен камсыз кылып жатат» деп айтылат Согушту изилдөө боюнча институттун улук талдоочусу Джеффри Дресслердин баяндамасында.
Пакистандын армиясы Афганистан менен бирге иш алып барып жаткан Вазиристандагы жоочулардан кутулууга шашкан жок. Ошол эле маалда Пакистандын расмий тараптары Хаккани түйүнү менен байланышы бар экенин танып жатат.
«Reuters» агенттигинин кабарчысы менен болгон маегинде террорчу топтун өз ысымын атагысы келбеген командири АКШны жалганчы, ошондой эле «талибдер менен Хаккани түйүнүнүн ортосуна ажырым салууга аракет кылат» деп кинеледи. «Бирок эгерде талибдердин жогорку башчысы Мохаммед Омор молдо жетектеген борбордук «Шура» кеңеши АКШ менен сүйлөшүү жүргүзүүнү чечсе, биз кубанычта гана болобуз», - деп сөзүн толуктады ал.
Январда талибдер Катарда офис ачууга макул болушкан. Ошондой эле АКШга карата ишенимди бекемдеш үчүн алар Кубадагы Американын «Гуантанамо» түрмөсүндө жаткан беш жогорку даражалуу талибди бошотууну өтүнгөн. Өз кезегинде талиб башчылары америкалык согуш туткундарын бошото турганын айтышкан. Бирок АКШ талибдерди азаттыкка чыгарган жок. АКШ менен талибдердин ортосунда болчу тынчтык сүйлөшүү маселеси жарга такалды. Талибдер АКШны өзүнүн алгачкы максатынан баш тартканы үчүн күнөөлөдү.
Талибдердин жетекчилиги тынчтык сүйлөшүүлөрүнө катышуудан баш тартты. Сүйлөшүүлөрдү баштоого багытталган АКШнын күч-аракети элдешүүнү колдогон топтун саясий башчылары менен согушту жактап жаткан талаа командирлеринин ортосундагы пикир келишпестиктердин күчөп кетишине себеп болду.
Саясий башчылар менен талибдердин талаа командирлери Афганистандын президенти Хамид Карзайдын өкмөтү «Батыштын тактекес» деп жек көрүп, аны менен сүйлөшкүсү келбейт.
Сентябрь айында Улуу Британиянын Королунун институтунун коргонуу жана коопсуздук боюнча кызматынын баяндамасында эл аралык деңгээлде таанылуунун эсеси үчүн талибдер тынчтык сүйлөшүүлөрүнө катышууга даяр экени айтылган. Баяндама Омар молдонун айланасындагы талибдердин жогорку даражалуу төрт өкүлү менен болгон маекке негизделген.
Ата-бала Джалалуддин менен Сираджуддин Хаккани жетектеген Хаккани түйүнүнүн штаб-квартирасы Түндүк Вазиристандын борбору Мирам Шах районунда жайгашкан. Хаккани түйүнү «Аль-Каида» менен талибдерге Пакистандагы өзүнүн баш паанасын колдонууга уруксат берет.

Ашиш Кумар Сен
«Washington Times», 14-ноябрь, 2012-жыл
Которгон –
«InoZpress.kg»

facebook    Twitter    Twitter    Twitter
Теги: Хаккани түйүнү сүйлөшүү Ашиш Кумар Сен
Другие материалы раздела:
Комментарии
kars.kg


Публикации Авторов:

27.03.2017
V.Muhin (NG)
США проявляют военный интерес к Таджикистану

24.03.2017
"Ransh.rf"
Кыргызстан: шах и мат в три хода

22.03.2017
"Chronika Turkmenistana"
Сына президента Бердымухамедова избрали председателем комитета меджлиса по законодательству

22.03.2017
"Zavtra"
Разочарование и гнев

16.03.2017
A.Shirokov (Lenta)
Почему президент Кыргызстана так боится критики в российской прессе

16.03.2017
"Podrobno.uz"
Казахский министр рассказал о вызовах, которые несет «пробуждающийся Узбекистан»

16.03.2017
"Ferghana"
Кадры из «дореволюционного» прошлого: На кого опирается президент Кыргызстана Алмазбек Атамбаев

16.03.2017
"Gazeta.ru"
Лавров: помощь ЕС странам Центральной Азии создает односторонние рынки

15.03.2017
"Liter.kz"
Правда и стереотипы о советской Центральной Азии

15.03.2017
V.Panfilova (NG)
Узбекистан готовится принимать политических беженцев

14.03.2017
"RIA Novosti"
S&P считает проблемными 25-30% кредитов казахстанских банков

14.03.2017
A.Verhoyanzcev (SVPressa)
Кому светит гражданство России по «праву почвы»

14.03.2017
V.Panfilova (NG)
Ашхабад надеется на катарские инвестиции

14.03.2017
S.Aksenov (SVPressa)
Афган-2: «шурави» зовут на «большую стройку»

Все материалы раздела